Umhverfisdagur Hrunamannahrepps 8. maí

Lilja Helgadóttir Nýjar fréttir

Rusladagur Hrunamannahrepps

Föstudaginn 8.maí

Rusladagur verður tvískiptur að þessu sinni. Hann byrjar á að nemendur Flúðaskóla og leikskólans Undralands taka virkan þátt í tiltektinni á Flúðum og verður hafist handa kl. 10:20 og nánasta umhverfi Flúðaskóla hreinsað. Íbúum Flúða og öðrum eru frjáls þátttaka með skólunum. Þá er ætlunin að þakka fyrir góða frammistöðu með þvi að bjóða upp á grillveislu við skólann kl. 11:30 og eru allir þátttakendur velkomnir þangað. 

Klukkan 16.00 hefst svo gamli góði rusladagurinn undir styrkri stjórn ruslamálaráðherra, Óskars Rafns Emilssonar. Safnast verður saman við Félagsheimilið og ruslapokar og einnota hanskar verða á staðnum.  Gott er að mæta tímanlega á staðinn.

Skorað er á alla íbúa sveitarfélagsins að fjarlægja allt rusl af umráðasvæði sínu og stuðla þannig að því að fallegi hreppurinn okkar líti enn betur út og verði okkur öllum til sóma.

Umhverfisnefnd Hrunamannahrepps mælist til að eigendur fyrirtækja og fólk á lögbýlum noti tækifærið og hreinsi til í kringum starfsemi sína og jarðir. Gaman væri að landeigendur tíni rusl með vegum fyrir sínu landi.

Ruslabrenna verður venju samkvæmt  upp úr kl: 18:00 á gámasvæðinu og síðan er öllum boðið í grillveislu í framhaldinu niður í Torfdal.

Með vinsemd og virðingu,

Umhverfisnefnd

og

Óskar Rafn Emilsson, Ruslamálaráðherra 2015.