Umhverfisdagur Hrunamannahrepps

Marta Jónsdóttir Nýjar fréttir

Hin árlegi Rusladagur verður föstudaginn 13. maí. Verður hann tvískiptur að þessu sinni. Hann byrjar á að nemendur Flúðaskóla og leikskólans Undralands taka virkan þátt í tiltektinni á Flúðum og verður hafist handa kl. 10:20 og nánasta umhverfi skólanna hreinsað. Íbúum Flúða og öðrum er frjáls þátttaka með skól-unum. Þá er ætlunin að þakka fyrir góða frammistöðu með því að bjóða upp á grillveislu við skólann um kl. 11:30 og eru allir þátttakendur
velkomnir þangað.
Klukkan 16.00 hefst svo gamli góði rusladagurinn undir styrkri stjórn ruslamálaráðherra, Kolbrúnar Haraldsdóttur. Safnast verður saman við Félagsheimilið og ruslapokar og einnota hanskar verða á staðnum. Gott er að mæta tímanlega á staðinn.
Skorað er á alla íbúa sveitarfélagsins að fjarlægja allt rusl af umráðasvæði sínu og stuðla þannig að því að fallegi hreppurinn okkar líti enn betur út og verði okkur öllum til sóma.
Umhverfisnefnd Hrunamannahrepps mælist til að eigendur fyrirtækja og fólk á lögbýlum noti tækifærið og hreinsi til í kringum starfsemi sína og jarðir. Gaman væri að landeigendur tíni rusl með vegum fyrir sínu landi.
Ruslabrenna verður ef aðstæður leyfa upp úr kl: 18:00 á gámasvæðinu og síðan er öllum boðið í grillveislu í framhaldinu í Lækjargarðinum.
Með vinsemd og virðingu,
Umhverfisnefnd og
Kolbrún Haraldsdóttir, Ruslamálaráðherra 2016