Gróðrarstöð Ungmennafélags Hrunamanna
- Stutt ágrip af sögu gróðurreits sem Ungmennafélag Hrunamanna (UMFH) kom á fót og hefur gengið undir nafninu Gróðrarstöð og/eða Ungmennafélagsgarður.
- Fyrsta gróðursetning í þennan reit var árið 1910 og er fyrsti vísir að skógrækt í Hrunamannahreppi.
- Öll gróðursetning og vinna í kringum gróðurreitinn fór fram í sjálfboðavinnu. Síðar var þessi reitur nýttur tímabundið sem tjaldsvæði en í dag er hann hluti af Lækjargarðinum.
Garður og vísir að trjásafni
- Stutt ágrip af uppbyggingu á garði við Hellisholtalæk sem hófst með peningagjöf Laufeyjar Indriðadóttur frá Ásatúni árið 1997. Uppbygging garðsins hefur frá upphafi verið unnin í samvinnu Hrunamannahrepps og Skógræktarfélags Hrunamannahrepps.
- Vísir að trjásafni er gjöf Kristínar Karlsdóttur og Jóhannesar Helgasonar í Hvammi í Hrunamannahreppi.
- Kvenfélag Hrunamannahrepps kom að samstarfinu um uppbyggingu garðsins árið 2004.
- Jafnframt hafa einstaklingar, Flúðaskóli og fyrirtæki í sveitinni lagt garðinum lið með vinnu, efni og plöntuúthlutun.
Kvenfélagsskógur
- Stutt ágrip af sögu skógarreits Kvenfélags Hrunamannahrepps (Kvenfélagsskógur).
- Árið 1945 var spilda úr landi Hellisholta fengin fyrir trjáreit þar sem kvenfélagskonur plöntuðu trjám og fleiri plöntum.
- júní-hátíðarhöld sveitarinnar voru lengi vel haldin í þessum skógarreit. Frá upphafi skipulagsvinnu við garðinn (1997) hefur skógarreitur Kvenfélagsins (Kvenfélagsskógurinn) verið hluti af þeirri skipulagsvinnu.
- Flúðaskóli hefur verið í fararbroddi í útikennslu á Íslandi og hefur nýtt Kvenfélagsskóginn sem útikennslustofu. Árið 2004 var gerður samningur milli Kvenfélags Hrunamannahrepps, Skógræktarfélags Hrunamannahrepps og Flúðaskóla þess efnis að skógurinn yrði grenndarskógur skólans.
Hitaveita Flúða, gamli barnaskólinn og sundlaug
- Stutt ágrip af sögu jarðhitavæðingar á Flúðum og nágrenni. Byggðin á Flúðum er nær eingöngu jarðhitanum að þakka.
- Fyrsta húsið í Hrunamannahreppi sem nýtti sér jarðhitann til upphitunar var bærinn Gröf árið 1926.
- Barnaskólinn í Hrunamannahreppi (síðar kallaður Flúðaskóli) var byggður 1929 og nýtti jarðhitann bæði til upphitunar og matseldar.
- Við byggingu skólahússins árið 1929 hefst þróun byggðar sem síðar þróast í þorpið Flúðir.
- Árið 1908 endurgerði Ungmennafélag Hrunamanna sundlaug úr grjóti í Hverahólmanum við Hvamm sem nýtt hafði verið til sundkennslu og almennrar sundiðkunar til fjölda ára. Sú laug var notuð fram til ársins 1946 þegar vatni var fyrst hleypt á sundlaugina sem byggð var á hitaveitusvæðinu við Gamla barnaskólann.