Hvað eiga göturnar að heita?

evaadmin Nýjar fréttir

 

Ákveðið var á fundi sveitarstjórnar þann 18. ágúst að ráðast í útboð við gatnagerð í fyrstu götu Byggða á Bríkum.  Á þessum sama fundi var samþykkt að leita til íbúa og annarra áhugasamra og kalla eftir tillögum að nöfnum á göturnar í þessu nýja hverfi

Tillagan sem samþykkt var er svohljóðandi:

Sveitarstjórn samþykkir einnig að fela sveitarstjóra að kalla eftir tillögum frá íbúum að nöfnum á göturnar í hverfinu.  Skuli tillögur annað hvort enda á -byggð eða – tangi enda er slík ending í takti við staðhætti.

Eins og þarna kemur fram er gert ráð fyrir að götuheitin skuli bera endinguna -byggð eða -tangi.

Í því skipulagi sem samþykkt hefur verið eru 8 götur sem allar þurfa að heita eitthvað.  Vinnuheiti þeirra tveggja sem eru að fara í gang eru Norðurtangi og Langitangi en þau nöfn eru ekki heilög ef aðrar og enn betri hugmyndir koma fram.  Það væri skemmtilegt að nefna götur í þessu hverfi við eitthvað sem fólk tengir við sögu og/eða umhverfi staðarins og sveitarfélagsins.  Svo nú er um að gera að láta hugann reika.

Tillögum skal skila á netfangið hruni@fludir.is  fyrir 5. september 2022.

 

Myndin sýnir ekki endanlegt skipulag hverfisins en göturnar eru á réttum stað.