Landgræðslufélag Hrunamanna fékk leyfi til að flytja hey inná afrétt til uppgræðslu. Slægjur fengust á Skyggni og bóndinn á bænum hann  Guðmundur sló grasið, Loftur og Ingvar á Sólheimum sneru heyinu og Ingvar rakaði öllu saman í múga. Þá tóku við Eiríkur á Grafarbakka sem rúllaði rúllunum  og Sigurður Ágústsson Birtingaholti sem baggaði stórböggunum

Mikil og góð sjálfboðavinna sem skilar miklum árangri næsta sumar þegar við dreifum úr þessu í rofabörðin. Allir þessir aðilar eiga miklar þakkir skyldar.

Á þessari mynd hér fyrir ofan eru Jón Viðar Dalbæ og Sigurður Ágústsson Birtingaholti að flytja hey fyrir Landgræðslufélagið inn í Stóraver. Alls  voru fluttar 90 rúllur  þangað.

32 stórbaggar voru fluttir inn að Blákvísl en það gerði Loftur Þorsteinsson. 75 baggar voru fluttir inn á Merarskeið en það gerðu Jón Viðar í Dalbæ, Samúel í Bryðjuholti, Jón Bjarnason í Skipholti og Loftur Þorsteinsson.

Á þessari mynd er Ragnar oddviti að flytja hey frá Skyggni fyrir Landgræðslufélagið inn í Stóraver.

Nýr stórglæsilegur útigarður var vígður við Hótel Flúðir föstudaginn 27. ágúst.
Garðurinn er með stórum trépalli, heitum pottum og útibar og í kring trónir stórgrýti úr sveitinni, frá Þórarinsstöðum og stuðlaberg úr Hrepphólum.

Mikið fjölmenni var viðstatt og skemmtu allir sér vel í afar fallegu veðri.

Ljósm: SigSigm.

Steypuframkvæmdir verða á eystri hluta Hvítárbrúarinnar nk. miðvikudag og fimmtudag.

Sú framkvæmd stendur frá kl. 6 á miðvikudagsmorgun og fram á fimmtudagskvöld. Stórir steypubílar verður því á ferðinni í gegnum þorpið.

Stuðlabergsdrangur var settur niður í Hrunaréttum í dag 28. 8 2010 sem er upphafið að byggingu nýrra rétta þar sem veggur almenningsins verður úr stuðlabergi frá Hrepphólum. Sauðfjárræktarfélag Hrunamanna hefur yfirumsjón með uppbyggingu réttanna en í nánu samstarfi við Hrunamannahrepp sem fer með fjársýsluna við verkið. Magnús H. Loftsson Haukholtum er formaður félagsins, Esther Guðjónsdóttir á Sólheimum er ritari, Benedikt K. Ólafsson Auðsholti er gjaldkeri. Páll Jóhannsson Núpstúni og Ólafur Stefánsson Hrepphólum eru til vara. Þorsteinn Loftsson Haukholtum er yfirsmiður. Allir þessir aðilar starfa saman við umsjónina og geta veitt upplýsingar um málið.

Ljósm:SigSigm

Ljósm:SigSigm