Hrunamannahreppur - Enter your slogan here

Málþing á Laugarvatni: Upplit góðan dag!

Fréttatilkynning

Aðalfundur Upplits og málþing um menningarsamstarf þvert á hreppagirðingar

Upplit, góðan dag, hvernig getum við aðstoðað?

23. janúar 2012

„Upplit, góðan dag, hvernig getum við aðstoðað?“ er yfirskrift málþings um menningarsamstarf þvert á hreppagirðingar sem Upplit, menningarklasi uppsveita Árnessýslu, boðar til í tengslum við aðalfund sinn á Lindinni á Laugarvatni laugardaginn 4. febrúar. Málþingið hefst kl. 14 og að því loknu, um kl. 16, hefst aðalfundurinn.

Sérstakur gestur málþingsins verður Hrund Gunnsteinsdóttir, þróunarfræðingur og framkvæmdastjóri Krád consulting, sem einnig gegnir starfsheitunum draumóramanneskja, ráðgjafi og skáld. Hún hefur starfað sem blaðamaður, verkefnisstjóri UN Women í Kósóvó, fastráðinn starfsmaður Sameinuðu þjóðanna í Genf, sjálfboðaliði og stjórnarkona í mannréttinda- og mannúðarsamtökum hér á landi og erlendis,

Nánar...

Tímatafla íþróttahús 2011-2012

Tímatafla 2011-2012

Íþróttahúsið Flúðum.

Flugeldasýning og brenna.

Flugeldasýning og brenna verður laugardaginn 7. janúar.

Farin verður blysför frá Áhaldahúsinu að brennustæðinu sem er við tjaldsvæðið. Lagt verður af stað kl. 20:00. Flugeldasýning hefst svo um kl. 20:30.

Fyrirtæki og einstaklingar hér á svæðinu hafa séð til þess, með styrkjum, að flugeldasýningin hafi getað orðið að veruleika á síðustu árum. Vonum við að það verði eins þetta árið.

Þeir sem hafa áhuga á að styrkja sýninguna er bent á að hafa samband við Óskar í síma 862-4944 eða með tölvupósti á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Minnum á að flugeldasalan verður opin:

Föstudaginn 6. janúar kl. 16:00 - 21:00

Með nýárskveðju og þökk fyrir stuðninginn á liðnum árum.

Unglingadeildin Vindur og Björgunarfélagið Eyvindur.

kt:460100-2590 banki:0325-26-2590 Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Strætó á Suðurlandi

Strætó á Suðurlandi

Reykjavík, 30. desember 2011

Frá og með 2. janúar verður hægt að ferðast um Suðurland með strætó, allt frá Reykjavík og austur á Höfn í Hornafirði. Þetta er liður í stórfelldri stækkun þjónustusvæðis Strætó bs. í samstarfi við Samtök sunnlenskra sveitarfélaga (SASS). Eitt samtengt leiðakerfi verður allt frá Höfn í Hornafirði og til Reykjavíkur, um uppsveitir Árnessýslu, niður í Þorlákshöfn og Landeyjahöfn. Þessi breyting felur m.a. í sér að fleiri Sunnlendingar eiga möguleika á að sækja vinnu til höfuðborgarsvæðisins og gagnkvæmt.

Fargjöld verða lægri og tímaáætlanir leiðanna verða samræmdar, svo farþegar komist hraðar á milli staða. Suðurlandi er skipt í mismunandi gjaldsvæði og fargjöld miðast við fjölda gjaldsvæða sem farið er um. Tímatöflur allra nýju leiðanna verða aðgengilegar á vef Strætó fyrir áramót og þar verður einnig að finna reiknivél sem reiknar út fargjöld með tilliti til lengdar ferðar og mismunandi fargjaldaforma.

Nánar...