Hrunalaug
Nokkrum kílómetrum utan við Flúðir er Hrunalaug, lítil náttúrulaug sem fyllt er af volgri uppsprettu.
Laugin er blanda af fagurri náttúruperlu og fornu mannvirki, vatnið er notalegt og umhverfið fallegt. Laugin er staðsett í fallegu gili og er umhverfið grasi gróið.
Laugarnar eru í raun þrjár og eiga þær hver sína sögu. Sú elsta er frá 1890 og eru veggirnir í henni hlaðnir upp með steinhleðslu. Hún var notuð sem þvottalaug ásamt því sem fólk baðaði sig í henni eftir langan vinnudag. Aðal kennileiti staðarins er svo lítið steinsteypt fjárbað sem var byggt 1935 ásamt kofa sem lengst af var eina búningsaðstaða lauganna. Þriðja laugin er svo afmörkuð með stuðlabergi frá Hrepphólum. Sú laug var gerð árið 2023 til að anna eftirspurn ferðamanna sem sífelt fer fjölgandi.
Í upphafi árs 2026 var opnuð ný og glæsileg búningsaðstaða með sturtum, salernum, læstum skápum og öllu því helsta sem góð aðstaða býður upp á.
Allar nánari upplýsingar um opnunartíma og fleira má finna á heimasíðunni:
https://hrunalaug.is/
