Seyruverkefnið

Hreinsun rotþróa er gerð skv. kröfum Heilbrigðiseftirlits Suðurlands og Umhverfisstofnunar. Í Hrunamannahreppi eru rotþrær hreinsaðar að jafnaði á þriggja ára fresti. Sveitarfélagið er í samstarfi við fimm önnur sveitarfélög á Suðurlandi og reka seyrubíl sem sér um að hreinsa rotþrær og reka sveitarefélögin einnig móttökustöð fyriri seyru hér á Flúðum, Seyrustaði.  Þar tæma bílar seyruna í sérstakan kalkara blandar kalki og stundum grasfræ út í seyruna. Að lokum er kölkuð seyra notuð til uppgræðslu á afgirtu landgræðslusvæði inn á afrétti. Verkefnið er unnið í samstarfi við Landgræðslu Ríkisins.

Hægt er að sjá hvenær rotþró var síðast heimsótt með því að fara inn á http://www.map.is/sudurland/ skrifa heimilisfang eignar í gluggann uppi í vinstra horninu þar sem stendur "Finna/Search". Síðan þarf að haka við fráveita, sem er undir Veitur (ýta á plúsinn fyrir aftan Veitur) í valglugga hægra megin og þá kemur upp punktur þar sem rotþróin er staðsett og ef ýtt er á punktinn þá koma upp upplýsingar um númer rotþróar og hvenær hún var síðast hreinsuð.

Frekar upplýsingar varðandi rotþróarhreinsun er hægt að fá á heimasíðu verkefnisins seyra.is eða með því að hafa samband við þjónustufulltrúa verkefnisins með tölupósti á netfangið seyra@seyra.is eða í síma 832-5105.

Á heimasíðu seyruverkefnisins má finna allar upplýsingar um verkefnið