Sumarnámskeið

Sumarnámskeið - Hrunamannahreppi sumarið 2023

Í sumar verður fjöldi námskeiða í boði fyrir börn og ungmenni í Hrunamannahreppi. Vonumst við til að sem flestir finni eitthvað við sitt hæfi en auðvitað erum við að þróa þessi námskeið og biðjum við alla um að sýna skilning á því. Skráning á námskeið hér: https://www.sportabler.com/shop/heilsueflandiuppsveitir/hrunamannahreppur

Skráningar á námskeiðin eru í gegnum Sportabler en þar er hægt að nota frístundastyrk sveitarfélagsins í greiðsluferlinu. Ákveðið verður með hverjum leiðbeinenda hvort námskeið falli niður ef þátttaka verður ekki nægjanleg.

Hér under er dagatal sem sýnir flest öll námskeiðin sem eru í boði en þó vantar:

knattspyrnuæfingar hjá ÍBU: hlekkur á fésbókarsíðu yngri flokkanna https://shorturl.at/iyFN0
sumaræfingarnar í körfubolta hjá UMF Hrunamanna á Flúðum og í Reykholti. Sjá nánar upplýsingar frá félaginu hér undir
Hestamannafélagið Jökull er með námskeið í júní á Húsatóftum og í Hrísholti. Á Flúðum verða keppnisnámskeið í júlí, sjá upplýsingar frá félagi hér undir.
Eins má nefna Guggusundið sem hefur verið árlega í Reykholti, 7.-15. júní: https://shorturl.at/fuSUY

Leikja- og ævintýranámskeið á Flúðum: frá kl. 9:00-15:00 og er fyrir börn sem kláruðu nú í vor 1.-4. bekk. Fjölbreytt dagskrá með leikjum, útivist, frisbí, hjólafærni og boltaleikjum ásamt sundlaugarferðum og heimsóknum í fyrirtæki og stofnanir. Hægt verður að kaupa eina viku í einu, verð pr. viku er 10.000 kr og greiðsla gerist í gegnum Sportabler.

Leiðbeinendur Orri Ellertsson og Birta Marinódóttir en þau hafa reynslu af því að vinna með börnum í skólum og hjá íþróttafélögum. Skráning í námskeið:

12.-16. júní

19.-23. júní

26.-30. júní

Landart og graffiti: aldur: þau sem kláruðu í vor 4.-7. bekk, vikan 26.-30. júní

Námskeiðið er þannig uppbyggt að unnin er hugmyndavinna og útfærsla á henni. Við gerum útilistaverk sem sem getur verið allt frá því að finna efnivið í náttúrunni/umhverfinu sem við vinnum með og yfir í að gera myndverk með málningu á pallettur, gömul útihús, veggi osfr.
Áhersla er lögð á skapandi vinnu og frjálsa myndlist. Verkefni verða valin og framkvæmd í samstarfi við sveitarfélag, eigendur og með virðingu fyrir náttúru og umhverfi. Verð: 5.000,-
Leiðbeinandi: Ari Svavarsson, hönnuður og myndlistamaður. Hefur um 40 ára reynslu af grafískri hönnun og vöruhönnun, myndlist og skapandi smíðum í silfur, tré og járn.

Unglingahreysti: Námskeið: 7. og 8. júní (miðvikudagur og fimmtudagur), kl. 13-16. Boðið verður upp á námskeið fyrir elsta stigið í grunnskóla (þau sem kláruðu 8.,9. og 10. bekk í vor.

Kennsla og þjálfun í notkun líkamsræktartækjanna í íþróttahúsinu á Flúðum. Bæði er farið stuttlega í þjálfunarfræði og verklega þjálfun. Eftir námskeiðið hafa þátttakendur æfingaáætlun til að æfa eftir í þreksalnum.
Eftir námskeiðið geta unglingar 14 ára og eldri æft einir í tækjasalnum en yngri þurfa að æfa með foreldri/forráðamanni. Verð: 4.000,-.
Leiðbeinandi: Geir Helgason menntaður einkaþjálfari frá Keilir.

Stuttmyndagerð: aldur: 14 ára og eldri, tveir hittingar: 11. og 18. júní, kl. 13 báða dagana.

Á þessu námskeiði verða kenndar helstu kvikmyndagerðareglur og hvernig er hægt að búa til kvikmyndaverk á ódýran hátt. Það verða kynntar nokkra kvikmyndir sem voru gerðar án mikils fjármagns og voru teknar upp á síma. Það verða æfingaverkefni áður en nemendur gera sína eigin stuttmynd. Verð: 4.000,-

Leiðbeinandi: Steinar Þór Kristinsson

Frisbígolf námskeið: Heilsdagsnámskeið 20. júní – fyrir alla ! Tilvalið fyrir þá sem vilja læra grunnatriðin og bæta leik sinn. Farið verður yfir mismunandi köst, grip og stöður og leiðbeint um tækni. Verð: 4.000,-

Sýnikennsla og svo æfingar þar sem leiðbeinandi fer á milli og sinnir hverjum nemanda persónulega. Öllum þátttakendum stendur til boða startpakki og taska á 5.900kr

Söng og leiklistarnámskeið á vegum «Leik og sprell»: Vikuna 10.-14. júlí.

Söng og leiklistarnámskeið sem er opið fyrir börn og unglinga á grunnskólaaldri.
Allir fá tækifæri til að syngja, leika og sprella. Kenndur er grunnur í söngtækni og túlkun og farið í leiki sem ýtir undir sköpun og tjáningu. Út frá spuna og leik búum við til leiklistarsenur sem við munum vinna með í gegnum námskeiðið og setjum saman sýningu sem opin verður fyrir aðstandendur.

5 daga námskeið, kennt 3 klukkustundir í senn, verð: 25.000 krónur. Nánari upplýsingar: (https://www.facebook.com/events/201996662585305) Skráningar á námskeið fara fram í gegnum Sportabler. Við höldum einnig áfram að bjóða upp á einkatíma í söng. Kennari er Bára Lind Þórarinsdóttir, stofnandi Leik og Sprell, og er útskrifuð leikkona frá listaskólanum LIPA. Bára hefur unnið í mörg ár sem leiklistarkennari og leikstjóri með börnum og unglingum. Hún er einnig með jógakennaréttindi og lauk söngnámi við Complete Vocal Institute.

Golfnámskeið hjá Golfklúbbnum Flúðum (GF): Hægt að velja milli námskeiða á laugardögum og einnig er eitt vikunámskeið: 12.-16. júní. Allir á nærsvæði (Flúðir, Reykholt)/nærsveitum Selsvallar eru velkomnir. Menn þurfa (helst) að hafa a.m.k. eina golfkylfu meðferðis. Reynum þó að hjálpa til eftir föngum.

Tveggja tíma námskeið: Við verðum með kennslu og æfingar fyrir 5-16 ára unglinga (einnig eru eldri byrjendur velkomnir) sem hér segir (skiptum upp í hópa eftir getu/aldri). Leiðbeinandi verður Árni Þór Hilmarsson ásamt félögum úr GF. Boði verður upp á gos og pizzu í golfskála í lok hvers dags. Þessi tveggja tíma námskeið eru í boði golfklúbbsins og ekki er nauðsyn að skrá sig fyrirfram heldur bara mæta.

Athugið að byrjendur eru frá kl. 10-12 og lengra komnir frá kl. 12-14

Laugardaginn 27. maí
Laugardaginn 10. júní
Föstudaginn 7. júlí
Sunnudaginn 13. ágúst

Vikuna 12.-16. júní verður GF með námskeið í boði fyrir unglinga á aldrinum 7-14 ára kl. 9-12 hvern dag. Árni Þór Hilmarsson mun leiðbeina og kenna mánudaginn 12. júní og föstudaginn 16. júní, en félagar í GF dagana þar á milli. Verður lögð áhersla á golfsveiflu, golfspil, golfsiði og reglur. Þátttakendur geta borðað nesti og fengið drykk með í golfskála í lok hvers námskeiðs kl. 12. Þeim er heimilt að leika á þriggja holu velli á eftir ef þeir hafa áhuga, en ekki verður gæsla í boði eftir hádegi. Í lok námskeiðs föstudaginn 16. júní kl. 12 verður boðið upp á pizzu og gos. Verð: 10.000,-

Körfuboltaæfingar Umf Hrunamanna: æfingar byrja í lok maí/byrjun júní og verða alveg þangað til að körfuboltabúðirnar byrja 13. júlí. Skráningar fara fram á Sportabler aðgangi félagsins, einnig má finna upplýsingar á fésbókarsíðu körfunnar: https://shorturl.at/eiBJR . Planið er að hafa 3 æfingar i viku, 2 á Flúðum og 1 í Reykholti. Ef breytingar verða á því þá verður send út tilkynning. Allir flokkar æfa á sama tima

Æfingatímar:

Flúðir: Mánudaga og miðvikudaga kl. 15.00-16.30
Reykholt: Fimmtudaga kl. 15.00-16.30

Körfuboltabúðir Hrunamanna - æfingabúðir: 13 og/eða 14. júlí - 16. júlí

Leikmenn fæddir 2005-2011
Búðirnar hefjast fimmtudaginn 13.júlí og þeim lýkur sunnudaginn 16.júlí.

Verð: 16.000 krónur

Leikmenn fæddir 2012-2017
Búðir hefjast föstudaginn 14.júlí og þeim lýkur sunnudaginn 16.júlí.

Verð: 13.000 krónur

Skráning í Körfuboltabúðir Hrunamanna fer fram hér:
https://docs.google.com/forms/d/e/1FAIpQLSeq0yNcMjhozP5HLOwCeESsQUhp5mi6ER7NQ5wo6_7h95gObg/viewform?vc=0&c=0&w=1&flr=0&fbclid=IwAR0ZLXNAfzvGVRcPttlizJOujpPELmT1XyJnYQNaAPayY32O4ayjfaICnfY

Hestamannafélagið Jökull: sumarnámskeið á Húsatófum, á Skeiðunum, og í Hrísholti, í Bláskógabyggð.
Sjá nánar sumardagskrá félagsins: https://shorturl.at/eMPT1

Skráningar fara fram í gegnum Sportabler: https://www.sportabler.com/shop/hfjokull

Júní:
5. - 9. júní: Námskeið með hestum á Húsatóftum (hross á staðnum)
10.-11. júní: Námskeið með hestum á Húsatóftum (hross á staðnum)
12.-16. júní: Námskeið með hestum á Húsatóftum (hross á staðnum)

19.-23. júní: Hrísholt, fjörnámskeið með Oddu, endar á reiðtúr og grilli.
26.-30. júní: Hrísholt, seinni vika fjörnámskeiðs, endar á reiðtúr og grilli, Odda kennir.

Júlí:
keppnisnámskeið sem verða á vellinum á Flúðum. Auglýst síðar á fésbókarsíðu félagsins: https://shorturl.at/bdhsD og á Sportabler: https://www.sportabler.com/shop/hfjokull