Fara í efni

Hrepphólakirkja

Hrepphólakirkja

Jörðin Hrepphólar í Hrunamannahreppi er landnámsjörð.  Þar stendur Hrepphólakirkja sem er í Hrunaprestakalli í Árnesprófastsdæmi. Kirkjan var byggð 1909 úr járnvörðu timbri og var hönnuður hennar Rögnvaldur Ólafsson.  Altaristafla kirkjunnar er eftir Ásgrím Jónsson, listmálara.

Kirkju er fyrst getið "að Hólum" í kirknaskrá Páls biskups Jónssonar frá um 1200. Kirkjan var helguð Ólafi konungi helga. Elsti varðveitti máldagi kirkjunnar er talinn vera frá um 1331. Núverandi kirkja er reist á grunni kirkju sem reist var 1903 en hún fauk í gífurlegu fárviðri sem geisaði í Árnessýslu þann 29. desember 1908. Kirkjan að Hrepphólum var síðan reist aftur úr efninu sem fauk en styttist við það um fimmtung. Við smíði beggja kirkna var nýtt töluvert af efni úr enn eldri kirkju sem reist var 1848 og rifin 1903.

Katólskar kirkjur voru helgaðar Ólafi helga Noregskonungi. Útkirkja var á Hofi í Gnúpverjahreppi en hún var aflögð um aldamótin 1800 og sóknin lögð til Hrepphóla. Hrepphólaprestakall var lagt niður 1880 og er kirkja þar nú útkirkja frá Hruna.

Hrepphólakirkja var friðuð 1. janúar 1990 samkvæmt aldursákvæði 1. mgr. 36. gr. þjóðminjalaga nr. 88/1989.

Sóknarprestur: Sr. Óskar Hafsteinn Óskarsson

Hrepphólar
846  Flúðir

Netfang: hrunaprestur@gmail.com
Facebooksíða hrunaprestakall 

Sóknarnefnd
Formaður: Sigurður Ágústsson 
Ritari: Þorbjörn Sigurðsson
Gjaldkeri: Arnfríður Jóhannsdóttir