Félagsmiðstöðin Zero

Félagsmiðstöðin Zero er félagsmiðstöð fyrir ungmenni í 5.–10. bekk í Hrunamannahreppi og er hluti af Frístundamiðstöð Hrunamannahrepps.
Starfið er aldursskipt með opnunum fyrir 5.–7. bekk annars vegar og 8.–10. bekk hins vegar. Með því er hægt að skapa starf og umhverfi sem tekur mið af ólíkum aldri, þroska og áhugasviði ungmennanna.

Markmið Zero er að bjóða ungmennum upp á öruggan og jákvæðan vettvang í frítíma þeirra þar sem þau geta hist, átt góð samskipti og tekið þátt í fjölbreyttu félagsstarfi.

Félagsmiðstöðin er jafnframt vettvangur þar sem ungmenni geta komið eigin hugmyndum í framkvæmd og haft áhrif á starfið.

Í Zero leggjum við áherslu á:

- öll ungmenni upplifi sig velkomin og að þau tilheyri hópnum.
- skapa öruggt umhverfi fyrir félagsleg samskipti.
- efla félagsfærni, sjálfstæði og ábyrgð.
- ungmenni hafi rödd og raunveruleg áhrif á starfið.
- styðja við frumkvæði, sköpun og fjölbreytt áhugamál.
- bjóða upp á fjölbreytt félagsstarf, viðburði og verkefni.
- skapa vettvang fyrir jákvæð samskipti ungmenna og starfsfólks.

Zero er opið félagsmiðstöðvarstarf. Ekki þarf að skrá ungmenni sérstaklega í hefðbundnar opnanir og þau geta komið og farið á opnunartíma í samræmi við það fyrirkomulag sem foreldrar og forráðamenn hafa ákveðið með þeim.

Starfið mótast að stórum hluta af ungmennunum sjálfum. Starfsfólk vinnur með þeim að hugmyndum, viðburðum og verkefnum og leitast við að skapa félagsmiðstöð sem ungmennin upplifa sem sitt eigið rými þar sem þau geta mætt á þeirra eigin forsendum.

Sími: 480-6618
Netfang: zero@fludir.is