Réttarmótið 2026 – Uppskeruhátíð GF - Opið mót

Réttarmótið 2026 – Uppskeruhátíð GF - Opið mót

Dagskrá og fyrirkomulag

Keppendur mæta kl. 11.00 og snæða kjötsúpu í tilefni dagsins.

Mótið verður síðan sett formlega kl. 11.45 og ræst verður út af öllum teigum kl. 12.00.

Réttarmótið er punktakeppni (24/28) þar sem veitt verða verðlaun fyrir 3 efstu sætin í karla- og kvennaflokki, næst holu á par 3 brautum vallarins (boltinn skal vera á flötinni) og fyrir lengsta teighögg í karla- og kvennaflokki (boltinn skal vera á snöggslegnu svæði brautarinnar). Einnig verða veitt verðlaun fyrir 0 pútt.

Fyrir besta skor (högg) án forgjafar verða veitt sérstök verðlaun, þ.e. farandgripirnir Forystusauðurinn fyrir karlaflokk og Forystuærin fyrir kvennaflokk.

Þeir tveir kylfingar sem ná besta skori án forgjafar í hvorum flokki fyrir sig (Forystuærin og Forystusauðurinn), geta ekki unnið til verðlauna í punktakeppninni, séu þeir í einu af þremur efstu sætunum.

Kl. 17.30 hefst síðan lokahófið með fordrykk og tónlist, veitingum og verðlaunaafhendingu. Hljómsveitin Sveitabræður leikur fram eftir kvöldi.

Fullbókað er á mótið.