Frístundamiðstöðin Flúðum

Frístundamiðstöðin á Flúðum heldur utan um frístundaþjónustu fyrir börn og ungmenni í sveitarfélaginu.

Markmiðið er að skapa fjölbreytt, öruggt og uppbyggilegt frístundastarf þar sem börn og ungmenni fá tækifæri til að njóta sín, efla félagsfærni, mynda tengsl og hafa áhrif á eigið frístundastarf.

Undir Frístundamiðstöðina fellur:
- Frístund fyrir yngri börn að loknum skóladegi (1.–4. bekkur)
- Félagsmiðstöðin Zero (5.–10. bekkur)
- Sumarnámskeið fyrir yngri börn
- Ungmennaráð Hrunamannahrepps

Í félagsmiðstöðinni er starfið aldursskipt og eru sérstakar opnanir fyrir 5.–7. bekk og 8.–10. bekk.

Þannig er hægt að laga starf, dagskrá og viðfangsefni að aldri og þörfum hvers hóps.
Í öllu starfi Frístundamiðstöðvarinnar er lögð áhersla á vellíðan, félagsfærni, þátttöku og virkni barna og ungmenna.

Frístundamiðstöðin leggur áherslu á gott samstarf við foreldra, skóla og aðra aðila sem koma að málefnum barna og ungmenna í sveitarfélaginu.

Sími: 480-6618

Netfang: fristundamidstod@fludir.is